Aarbechtsaccident um Golfterrain tëscht Eeselbur an Lenzweiler: 2 Aarbechter goufe blesséiert wéi hire Camion um naasse Buedem gerutscht an ëmgekippt ass.De Camionschauffer war e Freideg um 13.10 Auer iwwert den Golfterrain gefuer, fir seng Charge ofzelueden. Am Unhänger war Buedem gelueden. Wéinst dem staarke Reen war d'Wiss immens opgeweecht a schmiereg, an de Chauffer huet d'Kontroll iwwert säi Gefier verluer. De Camion an den Unhänger sinn doropshin op d'Säit gekippt. De Chauffer an den Aarbechter, dee mat him ënnerwee war, goufe blesséiert. Déi Zwee goufe mat enger Ambulanz bei den Futtballsterrain vu Klierf gefouert, wou si dunn mam Helikopter vun der Air Rescue an d'Spidol geflunn goufen.